Eigelade, ausgelade, umgelade.
Besser geht ma grade Pfade.
„Kumm doch, Bäsl“, hot ma gsacht,
„am  Sunndag uff die Fasenacht.“
 

„Ach, des wär doch wunderbar,
Gebordsdag hot der Klää dann aa.“
Doch schun glei nooch drei, vier Dag,
kummt der große Paukeschlag.
 
 

„Weesch, Bäsl, `s kumme ganz viel Leit,
zum Schwetze hot ma dann kää Zeit
in derre große Menschemeng
un im Fasenachtsgedräng.“
 

„E annermol werd besser sei,
dann lade mir dich widder ei.“
Die Kiechle tu ich ihne gönne,
aa hinnenooch des Magebrenne.-
 
 

                                                    Irma Springer
                                                           25.01.04